Nije wurkwize,

nije kânsen

Teamleden fan it gebiedsteam binne der ree foar

Foar ús as helpferlieners en sosjaal wurkers binne de feroarings yn de soarch ek enoarm. Wy ha wol in foarsprong yn ferliking mei jo. Wy binne der nammentlik al in pear jier mei dwaande. Foar jo binne de feroarings nei alle gedachten nij. Wy wolle jo graach stypje by it finen fan oplossings. Oplossings foar de problemen dêr’t jo yn jo deistich libben mei te krijen ha.

As jo in probleem ha op it mêd fan de húshâlding, wenje, wurkje, finânsjes, grutbringe fan de bern, melde jo je dan by it gebietsteam. De meiwurker oan de telefoan soarget derfoar dat der ien delkomt. Jo kinne dan tegearre de problemen besprekke. Yn dit petear sjogge wy mei jo mei nei de mooglike oplossings foar jo probleem. Dêrneist besprekke wy mei jo hoe’t jo it op oare mêden regele ha. Wat giet der goed? Binne der noch oare saken dy’t spylje? En dy’t mooglik ynfloed ha op jo situaasje. En soene jo ek wat foar in oar betsjutte kinne?

In foarbyld út de praktyk: By in petear die bliken dat mefrou net altyd har boadskippen dwaan koe. De buorfrou koe dit net oernimme omdat se krekt in poppe krigen hie. Troch de minsken byïnoar te bringen en yn petear te gean die bliken dat se inoar helpe koene. Mei it boadskipjen bleau de poppe by de buorfrou. Se komme no meiïnoar yn ‘e kunde en dogge faker in berop opinoar. Omdat se beide wat te bieden ha. De oplossings foar jo probleem binne net altyd inkeld mar te finen by de profesjonele soarchynstânsjes. Ek jo en jo omjouwing kinne faak folle mear bergen fersette as wy no soms tinke.